मन चंचल ऐ
मन चंचल ऐ
उड़दा फ़िरदा
नेईं समींदा
नेईं पतींदा
करदा अड़िया
लांदा झड़ियाँ
राड़-बराड़ करदी रौह्नी
एह्दे'नै लग्गी रौह्नी
सोचा फ्ही
मन चंचल ऐ।
बौंह्दा फ्ही जाईं
उच्ची टिसी
चांह्दा दुनिया'नै मिलना
दिक्खदा जिसलै छलदी दुनिया
लगदा खिंझन
मिगी खंझान
एह्दे'नै मिं बड़ी परेशान
सोचा फ्ही
मन चंचल ऐ।
जद् दिक्खै मिं निम्मोझान
होंदा फ्ही एह् परेशान
गले'नै लांदा मिं पतेआंदा
बनदा साह्रा
होंदा गुज़ारा
सोचा फ्ही
मन चंचल ऐ। ( डॉ. चंचल
भसीन )
No comments:
Post a Comment